15 Jan Egendlich mekkern wi ganz schön veel
Af un an kribbelt mi dat eenfach ünner de Finger, dor mutt ik een beden wat op platt tom besten geven. Meist sünd dat doch eher Themen över de ik sülvst veel sinnern do.
Ik bin Berader för „Nachhaltigkeit“ … ik kenn worhaftig keen plattdüütsche Wöör dorför, is wohl doch so een neemodschen Kraam. Naja, … ik berade Ünnernehmen, dormit se de Middel vun de Planet schonen un beter mit de Lüüd umgahn, de dorop leven. Ik bin nich alleen! Ik bin Deel vun een Köppel an Lüüd, de sik för een annere Wertschop insetten deit.
Un genau an all düssen Lüüd schriev ik hüt und dormit ook an mi sülvst.
Waarum mööt wi allens bloots ümmer so slecht maken?!
Jede Opstieg, hen to een annere, hen to een betere Wertschop ward glieks lütt makt. Den egendlich is dat je nicht genog. Dat is oftins ook richdig, aver wi mööt doch in de Lach sin, de Opstieg to fiern un mach de noch so lütt sin.
Een Bispill: To‘m Neejohr hett sik een Gesett ännert, dat „Verpackungsgesetz“. Dör dat Gesett mööt nun all Ünnernehmen, de Verpackungen in Umloop bringen, de Kosten för dat Recycling mit dregen, also dat de Kram wedder brukt warn kann. Bringt een Ünnernehmen Verpackungen in Umloop de nicht wedderbruukt warn kööt, wiel to‘m Bispill verschedene Materiol nich utnanner geiht, mutt dat Ünnernehmen noch deeper in de Tasch griepen. In mien Ogen, een groote Vörankamen.
Allens wat ik dorto lesen do is, datt dat Gesett nich wiet genog geiht or datt sik nix ännert, dor Ünnernehmen de Priese anheben warn. Or ik les dat een Gesett dat Verhollen vun de Verbruker so or so nich ännert un datt dat Gesett nix döcht, dor dat keen Vörschriften an dat Design vun Produkte dorin gifft. Ik les nix Godes!
Dorbi is dat doch een groote Sprung
Sicher, wi bruken Vörschriften, we Verpackungen opmakt warn un welke Eegenschaften se hem mööt. Verbruker mööt ook seehrs Verhollen ännern, dormit wi de Middel vun de Planet schonen.
Aver bevör wi nu wedder allens slecht maken, loot uns mol düsse groote Sprung fiern! De Weg de wi gahn is noch temlich lang, dor schall uns nich de Luft utgahn. Sülvst wenn Ünnernehmen nu seehrs Priese anheben … worbi, dann griept de Verbruker tominnst to weniger verpackte Kraam.
Het je doch wat Godes! 