SAMSUNG CSC

01 Jan Vörsatz 2018: Fööt hooch un deep döratmen!

De eenen schimpt dat “digitaale Fas­ten” de anner seggt “sik Rauh günn” … we man dat nennt is doch schie­te­gal, wich­dig is, dat wi aff un an mol de Fööt hooch leg­gen, een Stück Scho­ko­laad edden un deep döratmen.

Gor­nich so licht hüüttodags

De ganze Schnick Schnack um uns herum, hält uns orn­lich op Trab … allens vöran unse Bim­mel­büx. Een Pin­geln hier, wiel wi anro­pen warn, een Pin­geln dor, wiel ins­ta­gram wat vun uns will un veel toveele Pin­geln dör all de mess­an­ger un all de Gröp­pen, in de wed­der irgen­deen Mum­pitz pos­tet ward. Wi sünd rund um de Clock paraat — Dor kümmt nich de Bim­mel­büx to Rauh un wi schon gor nich. Sülvst in de Nacht heb­ben wi dat Ding direkt bi unse Kopp lig­gen, künn je suns wat pas­see­ren. Haupt­sook wi krie­gen allens mit un ver­sü­men nichts.

Wat wi uns ankie­ken is noch veel schlimmer

Allens dreiht sik bloots noch dorum sik to ver­be­tern. Wi mööt schlank warn, dor­mit wi adrett udsehn, wes­halb wi „Super­food“ edden weil dat schien­bor gesund un good för uns is. Ik frog mi, wat mien Oma wool to “Super­food” seggt ha. Damaals geev dat Kar­tüf­feln, Kool un Appeln staats Chia Saat, Gra­na­tap­pel un Goji Beern … un een Bild vun de Koo­lo­ploop för ins­ta­gram geev dat ok nich.

As is dat nich genoog, rackern wi uns in Sport­hüü­ser af, dor­mit wi een Rump heb­ben, de vör­wies­bor is, welk wi dann wed­der bi ins­ta­gram pos­ten köön. Wat een Tüd­del­kraam! Been hooch leg­gen, Glas Wien gene­ten un een Stieg Scho­ko­laad schna­bu­lee­ren, dat is doch veel schöner.

För allens to beschäftig

Immer­hin heb­ben wi een Karrieer-Ledder de wi rop­kled­dern mööt, dor blifft nich so veel Tied för anner Kraam. Vun ach in den Fröh bit Obends um soeben has­ten wi vun een Krisen-Törn to de neegste. Dat küümt mi wenig sinn­vull för. Aver hoog ansehn ward dat. Dor­ge­gen is deje­nige de weni­ger arvei­tet un sien Tied mit Kraam ver­bringt de eens gern deit, gau fuul in unse Gesell­schop. Keen Wun­ner dat de Kar­rieer bi veele Lüüd so hooch inne Kurs steiht!

Wat wi uns so vörnehmen

Alle Johr wed­der de glie­ken Kraam. Mit unse Vör­sätze wöt wi dat neggste Johr bed­der opma­ken, as wi dat ole afschlot­ten heb­ben. De en will afneh­men un nimmt sick vör weni­ger to edden oder mehr in dat Spor­thuus do gahn, um irgend­wann so ut tosehn we de Lüüd op ins­ta­gram. De anner will sik mehr Tied neh­men um Böker to lesen un wed­der annern wöt mehr mit Fohr­rad to Arveit foh­ren oder de Wah­nung sau­ber holen.

Dat klappt dann sie­ker bi de Fröh­johrs­putz, aver dann geiht dat oft­muls barg­dool mit de Vör­sätze vun’d niege Johr. Dat mag allens good sien un wear foa­moost wenn wi dat jüm­mers schaf­fen, aver de Wohr­schien­lich­keit dat wi neggste oder över­neggste Johr wed­der mit de glieke Vör­satz loos­gahn is doch teem­lich hooch.

Mien Vör­satz 2018 - Fööt hooch leg­gen un deep döratmen!

… un dat jeden Daag. Kuun pasee­ren dat ik dat aff un an ok mol ver­gett, denn wenn de Fööt boben sünd slop ik teem­lich gau in.

Read More